Skip to main content

Mäʹhtt lie säʹmmla prääzkjam rosttov tuuʹl?

Kolttasaamelainen Marfa Orttonen Nellimistä.
Marfa Orttonen Njeäʹllmest leäi mieʹldd vuõssmõs nuõrttsääʹmǩiõllsaž rosttov-vuõlttõõzzâst. Kolttasaamelainen Marfa Orttonen Nellimistä. Snimldõk: Irja Jefremoff kolttasaamelaiset,marfa orttonen,Nellim

Yleisradio vuõssmõs nuõrttsääʹmǩiõllsaž rosttov-vuõlttõs vuõltteeš 21.12.1973.

Tuåimteei Elli Rantala jieʹli nuõrttsäʹmmlai luʹnn mainstõõllmen, što mäʹhtt nuõrttsäʹmmla lie iiʹjji mieʹldd prääzkjam rosttov tuuʹl da ânnʼjõžääiʹjest.

Rosttov-vuõlttõõzzâst eeʹjjest 1973 leʹjje mieʹldd Jouni Moshnikoff, Anastasia Moshnikoff, Martta Orttonen, Grigori "Riku" Koputoff da Vassi Semenoja. Lilja Sverloff da Marjatta Feodoroff laulle nuõrttsäämas päärnailaaulid.

Jooul Sueʹnjlest leʹjje võl jeeʹresnallšem ko ânnʼjõžääiʹjest

Tuuʹl rosttovääiʹj säʹmmla jälste täʹlvvsiidin.

Nuõrttsäʹmmla lie ortodookneeǩ da ceerkavlaž juhll mâʹte rosttovpââʹzz leʹjje jõnn da tääʹrǩes juhll eeʹjj looppâst. Teʹl norrõʹtteš markknid, nääiʹmid da säʹmmla kueʹssje ruåđi luʹnn.

Anastasia “Naska” Moshnikoff mušttal Elli Rantala vuõlttõõzzâst måkkam leäi rosttov Sueʹnjlest.

- Rosttovkääʹnnen jeäʹp poorrâm ni jiânnai, kue´ll jeä´p poorrâm, âlgg leeiʹb poorrâd. Te rosttovpeiʹvv puätt, de peäss poorrâd da kueʹss jieʹlle. Oummu kueʹssje põõrtin. Jeäʹp nuʹt jiânnai škiâʹŋkid ouddam.

Evakkoäiʹǧǧ mottji säʹmmlai rosttoväʹrbbvuõđid

Nuʹbb maaiʹlmvääin da evakkoääiʹj mâŋŋa säʹmmlai rosttov mottji. Säʹmmla vuåǯǯu jiânnai vaikktõõzz läʹddlain da säʹmmlaž rosttoväʹrbbvuõđ mottje âlddlab lääʹdd rosttva.

Määʹrfaž Orttonen jäälast õhttu da jeäll čuõiǥeeʹl juŋstõõllmen juõʹǩǩ peiʹvv.

Rosttvin son vuâŋŋ dååma. Muđoi joull lij suʹnne jõnn prääʹzniǩ.

Lij-a tuu luʹnn jeälam joulupukki? (rosttovkääʹlles)
- Joulupukki, huh huh. Ǩii tiiǩ vueʹlǧǧ joulupukkin?

- Rosttovääiʹj prääzkjed, juukkâd da taʹnssjed de sillä siisti, mušttal Määrfaž suu rosttov pirr.

Vaʹss Semenoja mušttal mäʹhtt ânnʼjõžääiʹjest nuõrttsäʹmmlain lie âânnmõõžžâst jeänab läʹddlai rosttoväʹrbbvuõđ.

- Meeʹst lie tän ääiʹj jeänab lääddnallšem jooul. Porrmõõžžid mij jeeʹresnalla raajjâp ko Pieʹccmest. Ââʹn-han vuäitt kaaupšest vuäǯǯ juõʹǩin paaiʹǩin nåkkam porrmõš koon pâstt vuäʹstted. Ouddâl jie leämma ko Pieʹccmest jälstim nåkkam.

Rosttovpõõʹzzin eeʹjjest 1973 Grigori “Riku” Koputoff jälsti õhttu Njeäʹllem Čarmmjääu´rest.

- Täʹst dååma leäm, vuäđam da looǥǥam ǩiiʹrjid. Nuʹbb prääʹzniǩ vuäitt jieʹlled koʹst-ne. Pooram vaalmâš porrmõõžžid pooram võl.

Leäk-a ton ni kuäʹss leämmaž joullkällsiʹžžen leämmaž?
- Leäm mon määŋg vuâra leämmaž.

Vuâlǥak-a ton Čeʹvetjäuʹrra joullkällsiʹžžen?

- Kuʹǩǩ lij mäʹtǩǩ, väʹcceeʹl jiõm vueʹlj, ceälkk Riku Koputoff.

  • Leeuʹd lie nuõrttsäʹmmlai jõõšǩes mainnâz

    Jõnn vueʹss nuõrttsäʹmmlai musikkäʹrbbvuõđ lie leeuʹd.

    Nuõrttsäʹmmlai äʹrbbvuâlaž leeuʹd lie čueʹđid iiʹjjid kuâđđjam teâđ sooǥǥ da õhttsažkååʹdd historiast da nääʹlin. Väiʹnn da evakkoäiʹǧǧ pueʹtǩǩii uʹcc meer kultturääʹrb, ko ânnʼjõžäiʹǧǧ ij leäkku raajjum jååutjõž äigga. Nuõrttsäʹmmla lie jälstam veeidõs vuuʹdest Sääʹmjânnmest Taarrest, Lääʹddjânnmest di Ruõššjânnmest di Kuâllõõǥǥâst.

  • Ensimmäinen koltansaamen aapinen Aabbâs säämas julkaistiin vuonna 1972.

    Nuõrttsääʹmǩiõl ǩeʹrjjǩiõll raʹjješ 70-lååǥǥast – Vuõssmõs aabbâs puuʹti ođđ vueʹjj mättʼtõõllâd sääʹmǩiõl

    Nuõrttsääʹmǩiõl ǩeʹrjjǩiõll raʹjješ 70-lååǥǥast

    Nuõrttsääʹmǩiõl ǩeʹrjjǩiõl rajškueʹtteš jeäskka 70-lååǥǥast. Ouddâl tõn sääʹmǩiõll leäi pâi mainstum ǩiõll. Mikko Korhonen, Jouni Moshnikoff da Pekka Sammallahti raʹjje 1972 vuõssmõs nuõrttsääʹmǩiõllsaž abbâz. Tuåimteei Elli Rantala ǩiõttʼtõõli abbâz suu vuõlttõõzzâst 19.10.1973. Kuulât mäʹhtt škooulnijdd Sinikka Semenoja lååkk kuuʹsǩ ođđ ǩeeʹrjest.

  • Kolttasaamelainen Marfa Orttonen Nellimistä.

    Mäʹhtt lie säʹmmla prääzkjam rosttov tuuʹl?

    Vuõssmõs nuõrttsääʹmǩiõllsaž rosttov-vuõlttõs vuõltteeš 1973

    Tuåimteei Elli Rantala jieʹli nuõrttsäʹmmlai luʹnn mainstõõllmen, što mäʹhtt nuõrttsäʹmmla lie iiʹjji mieʹldd prääzkjam jooul tuuʹl da ânnʼjõžääiʹjest.

Võrrsumuuzz - Jieʼlli arkiiv

  • Leeuʹd lie nuõrttsäʹmmlai jõõšǩes mainnâz

    Jõnn vueʹss nuõrttsäʹmmlai musikkäʹrbbvuõđ lie leeuʹd.

    Nuõrttsäʹmmlai äʹrbbvuâlaž leeuʹd lie čueʹđid iiʹjjid kuâđđjam teâđ sooǥǥ da õhttsažkååʹdd historiast da nääʹlin. Väiʹnn da evakkoäiʹǧǧ pueʹtǩǩii uʹcc meer kultturääʹrb, ko ânnʼjõžäiʹǧǧ ij leäkku raajjum jååutjõž äigga. Nuõrttsäʹmmla lie jälstam veeidõs vuuʹdest Sääʹmjânnmest Taarrest, Lääʹddjânnmest di Ruõššjânnmest di Kuâllõõǥǥâst.

  • Ensimmäinen koltansaamen aapinen Aabbâs säämas julkaistiin vuonna 1972.

    Nuõrttsääʹmǩiõl ǩeʹrjjǩiõll raʹjješ 70-lååǥǥast – Vuõssmõs aabbâs puuʹti ođđ vueʹjj mättʼtõõllâd sääʹmǩiõl

    Nuõrttsääʹmǩiõl ǩeʹrjjǩiõll raʹjješ 70-lååǥǥast

    Nuõrttsääʹmǩiõl ǩeʹrjjǩiõl rajškueʹtteš jeäskka 70-lååǥǥast. Ouddâl tõn sääʹmǩiõll leäi pâi mainstum ǩiõll. Mikko Korhonen, Jouni Moshnikoff da Pekka Sammallahti raʹjje 1972 vuõssmõs nuõrttsääʹmǩiõllsaž abbâz. Tuåimteei Elli Rantala ǩiõttʼtõõli abbâz suu vuõlttõõzzâst 19.10.1973. Kuulât mäʹhtt škooulnijdd Sinikka Semenoja lååkk kuuʹsǩ ođđ ǩeeʹrjest.

  • Kolttasaamelainen Marfa Orttonen Nellimistä.

    Mäʹhtt lie säʹmmla prääzkjam rosttov tuuʹl?

    Vuõssmõs nuõrttsääʹmǩiõllsaž rosttov-vuõlttõs vuõltteeš 1973

    Tuåimteei Elli Rantala jieʹli nuõrttsäʹmmlai luʹnn mainstõõllmen, što mäʹhtt nuõrttsäʹmmla lie iiʹjji mieʹldd prääzkjam jooul tuuʹl da ânnʼjõžääiʹjest.