Skip to main content

Urho Kaleva Kekkonen ja sápmelaččat

Urho Kekkonen painii kalan kanssa hämmästynyt ilme kasvoillaan.
Presideanta Urho Kekkonen lei guollebivdi. Urho Kekkonen painii kalan kanssa hämmästynyt ilme kasvoillaan. Govva: Yle/Kalle Kultala kala,kalastus,Urho Kekkonen

Suoma gávccát presideanta lei Urho Kekkonen. Su bohte dovdat sápmelaččat nu Anáris go Eanodagasge. Gullat jienaid mat leat báddejuvvon jagis 1978 ja 1986. Golbma sápmelačča, geat dovde dán suopmelaš fápmoalbmá muitalit iežaset vásihusaid Urho Kekkonen birra. Sii leat Antti Juuso, Piera Juuso ja Erkki Jomppanen. Dán jietnabátti loahpas gullat Erkke oainnu das, man stuorra váikkuhus UKK:s lei 1970-logu álggus dasa, ahte Sámi parlameanta viimmat vuođđuduvvui 9.11.1973.

Urho Kaleva Kekkonen riegádii 3.9.1900 Pielavesis. Son jámii 31.8.1986 Helssegis. Presideantan son lei jagis 1956 jahkái 1982. Buohcuvuođa dihte son luobai virggi dikšumis juo 27.10.1981. Ođđa presideantaválga ordnejuvvui dasto ođđajagimánus 1982.

Jagis 1978 son galledii Eanodagas ja dás álggos gullatge su sániid media ovddas Heahtás. Oktan fáddán lei su gudnin jurddašuvvon muitomearka Eanodaga Čáivárrái.

Dan maŋŋá go Kekkonen jámii 1986 gažadii Sámi radio muittuid presiseantta birra. Gárasavvonis gullat Antti Juuso ja Piera Juuso muittuid presideanttas. Sudno ságain finai Wimme Saari. Gáijot-Ásllat Ánde muitala mo son golggai presideanttaind ovttas herggiiguin. Anár Menešjávrris Erkki Jomppanen ságain fas Oula Näkkäläjärvi. Juo UKK ministetáigodadagas jagis 1938 Juhán-Erke muitá oaidnán su Juhán-Máhte dálus Menešjávrris. Sisáššiidminister Kekkonen lei ieš vuolgán váldit čielgasa mo gumppiid galggašii geahpedit go dat ledje laskan. Politihkkáráigodagas áigge Juhán-Erkege doalai oktavuođa presideanttain.

Odne besset duottarjohttit oaidnit muitogeađggi Čáivári alde Suomanjárggas, Eanodagas. Geađgái lea čullojuvvon dát suomagielat čálus: "Tämä laatta on kiinnitetty 3.9.1980 tasavallan presidentin Urho Kaleva Kekkosen täyttäessä 80 vuotta. Joka kevät 1968 lähtien hän on hiihdellyt näillä mahtavilla kinkamilla". Arkiivadoaimmaheaddji: Jouni Aikio

Comments

  • avokelanauha studionauhurilla

    Báhkat ja miessemearkumat, ruoktoveahkki ja geassemárkanat ođđasiin 1972

    Golbma sámegielat ođassáddaga suoidnemánus 1972

    Sámi radio báddevuorkkás Anáris leat rájus ođasvuolggahusat jagi 1972 rájes. Ovdamearkkadihte suoidnemánu 1972 ođassáddagiin váilu dušše okta. Sámegielat ođđasat sáddejuvvojedje dalle guktii vahkus, vuossárgga ja duorastaga diibmu 12.40 - 12.50. Logi minuvtta sáddenáigái čáhke máŋga telegrámma. Máŋgii okta ođassátta sáhtii čiekŋut ovtta dahje guovtti áššái.

  • Filosofian tohtori Vuokko Hirvonen kirjallisuusnäyttelyn avajaisissa Utsjoella

    Elsa Laula Renberg ja Sámi eará nissongirječállit

    Vuokko Hirvonen čálii nákkosgirjji Sámi girjjálašvuođas

    Láidde-Risten Vuokko, Vuokko Hirvonen ii hállan mánnán sámegiela. Dattege son lea nákkáhallan doavttirin sámegillii, sámegirjjálašvuođas. Vuokko váccii geatnegahttojuvvon skuvla Ohcejotnjálmmis ja Avvilis suomagillii. Rávis olmmošin son berostišgođii sámegielas ja eandalii girjjálašvuođa historjjás. Dán vuosttas radioprográmmas son muitala iežas "oahpu ráidalasas bánis bátnái".

  • Suomen ja Norjan rajajoki Teno tunturista kuvattuna kesällä.

    Ohcejoga, Deanu ja Kárášjoga gielddaid ovttasbargu, 1980

    Rádjagielddaid gaskkas leamaš álo ovttasbargu

    Guldalehkot dás man dilis lei rádjagielddaid ovttasbargu Deanuleagis lagabui 40 jagi dassá. Sámi šaldi ii lean vel dalle ja Badje-Deanu geaidnu Suoma bealde rahppojuvvui čađajohtinláhkai moatte jagi dien maŋŋá. Miehtá Sámi 14.11.1980 muitalii rádjagielddaid ovddasteaddjiid ráđđádallančoahkkimis Kárášjogas.

Varrasamos sisdoallu - Ealli arkiiva

  • avokelanauha studionauhurilla

    Báhkat ja miessemearkumat, ruoktoveahkki ja geassemárkanat ođđasiin 1972

    Golbma sámegielat ođassáddaga suoidnemánus 1972

    Sámi radio báddevuorkkás Anáris leat rájus ođasvuolggahusat jagi 1972 rájes. Ovdamearkkadihte suoidnemánu 1972 ođassáddagiin váilu dušše okta. Sámegielat ođđasat sáddejuvvojedje dalle guktii vahkus, vuossárgga ja duorastaga diibmu 12.40 - 12.50. Logi minuvtta sáddenáigái čáhke máŋga telegrámma. Máŋgii okta ođassátta sáhtii čiekŋut ovtta dahje guovtti áššái.

  • Filosofian tohtori Vuokko Hirvonen kirjallisuusnäyttelyn avajaisissa Utsjoella

    Elsa Laula Renberg ja Sámi eará nissongirječállit

    Vuokko Hirvonen čálii nákkosgirjji Sámi girjjálašvuođas

    Láidde-Risten Vuokko, Vuokko Hirvonen ii hállan mánnán sámegiela. Dattege son lea nákkáhallan doavttirin sámegillii, sámegirjjálašvuođas. Vuokko váccii geatnegahttojuvvon skuvla Ohcejotnjálmmis ja Avvilis suomagillii. Rávis olmmošin son berostišgođii sámegielas ja eandalii girjjálašvuođa historjjás. Dán vuosttas radioprográmmas son muitala iežas "oahpu ráidalasas bánis bátnái".

  • Suomen ja Norjan rajajoki Teno tunturista kuvattuna kesällä.

    Ohcejoga, Deanu ja Kárášjoga gielddaid ovttasbargu, 1980

    Rádjagielddaid gaskkas leamaš álo ovttasbargu

    Guldalehkot dás man dilis lei rádjagielddaid ovttasbargu Deanuleagis lagabui 40 jagi dassá. Sámi šaldi ii lean vel dalle ja Badje-Deanu geaidnu Suoma bealde rahppojuvvui čađajohtinláhkai moatte jagi dien maŋŋá. Miehtá Sámi 14.11.1980 muitalii rádjagielddaid ovddasteaddjiid ráđđádallančoahkkimis Kárášjogas.