Eanodaga bátnedivššu hástalussan fidnet guhkesáigásaš doaktára
Govva: YLE
Jienat ja videot oktavuođas artihkkalii:
Eanodaga bátnedoavttirdilli leamaš dán geasi oalle buorre. Muoná-Eanodaga álbmotdearvvasvuođabarggu gieldalavtta vástideaddji bátnedoavttir Lauri Kyllönen muitala, ahte Heahtás lea leamaš bátnedoavttir báikki alde olles geasi earret ovtta vahkus. Dalle dikšui lea beassan Muonás.
Ollislaččat Eanodaga bátnedikšundilli leamaš govttolaš. Kyllönen lohká, ahte Heahttái livččii čielga dárbu fidnet guhkesáigásaš bátnedoaktára, vai dikšundilli stáđásmuvašii. Boahttevuođas oassi bargiin lea báhcimin ealáhahkii ja daid báikkiid fertešii maiddái deavdit.
Kyllönen árvala, ahte nuorra doaktárat ballet guhkesáigásaš bargui boahtimis, danin go davvin gártá bargat eanaš okto.
Dán čakčii Eanodaga bátnedivššára báiki lea devdojuvvon, muhto bátnedoavttir lea vel ohcan láhkai borgemánu beallemuttu rádjai. Kyllönen jáhkká, ahte báiki devdojuvvo, danin go dasa leat gávdnon ohccit.
YLE Sápmi/ Ailu Valle