Tennilä: Katainen soardá davvin ássi olbmuid geat dinejit unnán
Esko-Juhani Tennilä mielde stáhta bušeahttaevttohus soardá olbmuid, geat dinejit unnán.
Govva: YLE / Sauli Antikainen
Gurutbellodaga riikkabeaijoavkku várreságadoalli Esko-Juhani Tennilä moaitá stáhta ruhtaministeriija bušeahttaevttohusa.
Tennilä mielde energiijavearu bajideapmi lea čielga duođaštus das, man funet borgárráđđehus váldá daid olbmuid vuhtii, geat dinejit unnán.
Tennilä mielde stáhta ruhtaminister Jyrki Katainen vearubajideapmi čuohcá garrasamosit ássangoluide davvin, gos lea galbma dálvi ja guhkes liggenbadji.