Sámemusihkaskuvlenbeaivvit Levis vahkuloahpas
Anárašgielat musihkajoavku Koškepuško 2010 Ijahis Idja dáhpáhusas.
Govva: YLE Sápmi
Sámemusihkaskuvlenbeaivvit lágiduvvojit Levis odná beaivves sotnabeaivái. Skuvlejupmi lea oaivvilduvvon buot sámegielat oahpaheaddjiide, geat hálidit lassedieđuid sámemusihkain bargames. Skuvlejumi fáddán lea: "Árbemusihka skuvllaide."
Skuvlejumi ordne Sámedikki Sámemusihkkaguovddáš. Sámemusihkkaguovddáš fállá oassálasttiide skuvlejumi, beaivebiepmu lávvardaga ja sotnabeaivve sihke ijastallama.
Skuvlejeaddjin ja logaldallin leat earret eará musihkkár Johan Sara jr. ja juoigi Biret Risten Sara.