Paavo Väyrynen ii beassan šat riikkabeivviide Mátta-Suomas
Govva: YLE
Lappi ovddeš riikkabeaiáirras Paavo Väyrynen orui ovdajienaid vuođul mannámin čáđa Uusimaa válgabiires. Válgabeaivve jienat eai goit dolvon su riikkabeivviide.
Uusimaa válgabires guovddášbellodat oažžu dušše ovtta áirasa riikkabeivviide ja son lea Antti Kaikkonen. Son oaččui lagabui duhát jiena eanet go Paavo Väyrynen.
Yle Sápmi