Vapo Timber lea vuovdán Peuravuono sáhá ja doaibma joatkašuvvá
Morven Ltd Oy: toimitusjohtaja Jaakko Kilpeläinen
Govva: YLE Sápmi
Peuravuono sahá Anáris joatká doaimmas vaikko Vapo luohpá muoraid sahámis. Ođđa eaiggát atná doaimma gánnehahttin.
Vapo Timber Oy lea vuovdán Peuravuono sahá gávpedoaimma njuolga Morven Ltd -oassesearvai, mii galgá joatkit sahá doaimma.
Eanavuođu, visttiid ja sahálágádusa mašiinnaid Vapo vuovdá Anár gildii ja dan ealáhusfitnodahkii InLike Oy. Gielda láigoha dáid ođđa oafitnodahkii. Soahpamuša vuođđun lea oassebeliid gaskasaš nu daddjon industrialiserensoahpamuš.
Gávpešiehtadus vuolláičállojuvvui bearjadaga ja Morven váldá badjelasas sahá doaimma suoidnemánus.
Morven Ltd oamasta stuorra oasi Arctos Group -fitnodagas mii joraha huksenmateriálafábrihka Giemajávrris. Peuravuonos fitnodat sahá muoraid dán fabrihka dárbbuide.
Ruovdemáđiijaid belkoávdnasiid sahán joatkašuvva Anár Peuravuonos goittot moadde jagi, lohpida doaimmajođiheaddji Jaakko Kilpeläinen Morven Ltd:s.
- Peuravuono sahás leat dál 21 bargi ja sii jotket ain seamma sahás. Go oassi báhcá lagaš jagis ealáhahkii de sahái báhcet 14 - 17 bargi, árvala Kilpeläinen.
Sahá bargit duđavačča go bargu joatkášuvvá geasseluomu maŋŋáge
Peuravuono sahá bargiide Anára Keväjávrris lei buorre gullat, ahte sahá doaibma joatkašuvvá. Sahábargiid váldoluohttámušolmmoš Erkki Rova dadjá, ahte gal dat ainge fuola dagaha go ođđa oamasteaddji váldá badjelasas sahá joraheami.
YLE Sápmi / Jouni Aikio