Sámediggi ii dohkkehivčče luottaid ráhkadeami meahcceguovlluide

Luottain leat Sámedikki mielde negatiiva váikkuhusat birrasii ja sámekultuvrii. Sámediggi oaivvilda maid, ahte meahccelágas galggašii váldit eret vejolašvuođa vuođđudit ruvkebiriid meahcceguovlluide.

Meahccelága vejolaš ođasnuhttimis livččii dárbu dárkkálnuhttit meahcceguovlluid rájiid sihke ieš meahccelága nu, ahte meahcceguovlluide ii oaččošii hukset luottaid ja njealljejuvllatjohtolagaid ja ahte meahccelága § 5 dárkkálnuhttojuvvošii dávistit dálás geavadii.

Meahcceguovlluin eai bargga šat vuovdedoaluin. Lága § 5 oktan ággan meahcceguovllu vuođđudeapmái lea luonddu máŋggabeallásaš atnu, ja dat čujuha maid vuovdedollui. Sámediggi evttoha jearaldatvuloš dearpmaid buhttema nu ahte dat dávistit álbmotmehciid vuođđudanmearrádusaide. Lágaid ođasnuhttimis galget váldojuvvot vuhtii vierrovuoigatvuođat, mat laktásit sámiid luonddugeavahussii.