Golli divru olles áiggi
Dan maŋŋá, go Gihttela Suurikuusikko golleruvke rahppojuvvui guokte jagi dassái, golli haddi lea šaddan máŋggageardásažžan. Go roggamat álge jagis 2009, ovtta 25 kilo gollediillas mákse 600 000 euro. Máilmmi ruhtakriissa dihte golli lea goit divron, ja dál ovtta gollediilla árvu lea juo 1,1 miljon euro.
Fuones ruđalaš áiggiid dihte hatti jáhkket ain badjánit.
Gihttela golleruvkkes rogget dán jagi golli sullii 4 500 kilo. Dan golli eai goit geavat čiŋaid ráhkadeapmai, muhto baicce vuvdet eurohpalaš báŋkkuide, mat jáhkket oažžut stuorra vuoittuid gávppašeamis.