Áššáskuhtti ii oza váidinlobi Soađegili gumppegoddináššis
Soađegili eahpečielggasin báhcán gumppegoddinášši ii ovdán Alimus riektái. Áššáskuhtti ii oza váidinlobi hoavvarievtti mannan juovlamánus addin dupmui.
Roavvenjárgga hoavvariekti luittii soađegililaš albmá friijan, danin go áššáskuhtti ii sáhttán čájehit doarvái nannosit duohtan albmá sivalašvuođa.
Lappi gearretriekti lei ovdalut dubmen albmá golmma mánotbaji evttolaš giddagasdupmui. Albmá sivahedje lágahis gumppegoddimis Soađegili Vyöttörmäaavas juovlamánus 2008.