Buolaš čavgá Lappis vahkuloahpas
Buollašiid doalada vahkuloahpas Lappis.
Govva: YLE
Buolaš čavgá ain Lappis vahkuloahpas. Dálkediehtaga lágádus einnosta, ahte buollašeamos dálki lea lávvardaga ja sotnabeaivvi gaskasaš ija.
Nuorta-Lappis buollašat soitet joatkašuvvat gitta vuossárgga čuovganeapmái. Salla Naruskas soaitá buolaš vahkuloahpas njiedjat vuollel 40 buolašgráđđii.
Buolaš goddán olbmuid Eurohpas
Garra dálvi leamašan giksin Nuorta- ja Gaska-Eurohpas. Eiseválddiid mielde buollašat leat goddán jo badjelaš 160 olbmo.
Eanemus olbmot leat jápmán Ukrainas, gos leamašan báikkuid joba vuollel 30 buolašgráđa. Váddásamos dilli lea olbmuin, geain ii leat ruoktu.
Buollašat ja muohta leat maiddái botken geainnuid ja el-rávnnji, ja hehtten girdijohtolaga.