Eanodagas vuostálastet gielddaid oktiičaskima
Govva: YLE Sápmi
Eanodaga gielda ii ane vuogasin gielddaid oktiilaktima. Eanodaga gieldda njunnošat ballet, ahte bálvalusat hedjonit, jus Eanodat laktojuvvo oktii Gihttela, Kolari ja Muoná gielddaiguin.
Eanodat ballá maiddái, ahte stuorra gielddas Eanodaga guovllu turismma ovddideapmi geahppánivččii. Eanodat navdá maiddái, ahte ođđa gielda ii basttášii ordnet sámegielat bálvalusaid dárbbašii bures.
Eanodaga gieldda mielas buoret molssaeaktu livččii lasihit ovttasbarggu Muoná gielddain sosiála- ja dearvvasvuođabálvalusaid olis.
YLE Sápmi