Gáregasnjárga ii fidne ođđa beaiveruovttu
Ohcejoga gielda ii hukse ođđa beaiveruovttu Gáregasnjárgii. Gielddaráđđehus mearridii duorastaga, ahte Gáregasnjárggas ii leat dárbu ođđa beaiveruktui, daningo divvojuvvon doaibmasajit leat doarvái.
Vuođđodorvolávdegotti mielas fas dáláš doaibmasajit leat menddo unnit, iige daid fidne divostemiin buorre ortnegii.
Lávdegoddi lei hálidan ođđa dálu, gos sámegielat ja suomagielat beaivegeahčut livčče sierra, muhto dain livččii oktasaš gievkkan.
YLE Sápmi