Geafes gielddaid ruhtadilli ain vearrána
Vearrámus dili einnostit leat Eanodaga ja Ohcejoga gielddain. Govas Eanodaga gielddadállu.
Govva: YLE Sápmi
Gielddaid ruhtadilli fuotnána čielgasit 2020-logus, muitala ruhtadoalloministeriija varas dutkamuš. Dan mielde sullii logi jagi geahčen badjel čuođi gieldda dienasvearroproseantta loktejit juo badjel 23 prosentii.
Dattetge goalmmádas gielddain šaddet garra ruhtaváttisvuođaid sisa. Sivvan dasa lea, go bargoveahka boarásmuvvá, eaige ođđa vearromáksit leat vuordimis.
Heajumis dilis leat dakkár gielddat, mat juo dál šaddet seastit, eaige šat baste eambo seastit nu, ahte bálvalusat eai geahpeduvvo. Dákkár gielddaide gullet earret eará Eanodat ja Ohcejohka.
Gielddaid gaskasaš erohusat ceavzimis sturrot juo lagaš jagiin ja vearránit vel 2020-logus ovddosguvlui.