Gieldaođadusa dolvot johtilit ovddosguvlui
Suomen Kuvalehti -bláđi ráhkadan kárttat dilis ovdal ja maŋŋá gieldaođadusa.
Govva: Yle
Gieldaođadusa dolvot johtilit ovddosguvlui. Gieldaministtar Henna Virkkunena mielde ulbmilin lea ain dat, ahte ođđa gielddat sáhtášedje doaibmagoahtit jagi 2015 álggus.
Gieldaođadusa válmmaštalli bargojoavkku čielggadussii lea addon lasseáigi boahtte vahkku. Ovdamearkka dihte evttohusat gielddaid mearis leat dieđus easkka, go bargojoavkku čielggadeapmi almmustahttojuvvo.
Ráđđehusa lea ulbmil addit riikkabeivviide evttohusa gieldaođadusas čavčča áigge. Vel ii leat diehtu das, addogo evttohus ovdal vai maŋŋá čavčča gielddaválggaid.
Ráđđehus gieđahalai gieldaođadusa gaskavahku eahketskuvllastis.