Hollándalaččat láhppojedje Gihttelis
Njeallje hollándalačča bártašuvve measta lávvardaga. Joavku láhppui biillain meahccegeainnu ala ja darvánii skálvái 35 gráđa buollašis Gihttela Pöntsös.
Sii riŋgejedje veahki heahteguovddážis. Áidna, maid sii máhtte dadjat das gos sii leat, lei ahte birrasis leat olu muorat.
Joavkku lihkkun biila ii jáddan, eaige sii beassan galbmot.
Boles gávnnai láhppon joavkku, ja ávžžuhii sin bissut stuorát geainnuid alde ja molsut kártalohkki.