Kanadalaš ruvkefitnodatsearvi vuoluštii vihtta proseantta Norggas
Kárta kanadalaš ruvkefitnodaga dutkanguovllus Davvi-Norggas.
Govva: Dalradian Resources
Kanadalaš ruvkefitnodat Dalradian Resources lea oastán Norggas vuoigatvuođaid ohcat málmma čuovvovaš čieža jagi. Málbma ohcet 1,7 miljon hektára sturrosaš guovllus, mii lea vihtta proseantta Norgga viidodagas.
Kanadalaš fitnodatsearvi lea oastán vuoigatvuođaid norgalaš Kloster Rederi As -fitnodatsearvvis, mii lea skáhppon daid alcces vehážiid mielde.
Davvi-Norggas ohcanguovllu sturrodat lea 10 000 njealjehasmehtera. Guovllut leat Báhčaveaijotleagis, Guovdageainnu ja Kárášjot guovllus, Davvi-Tromssas ja Narvikis.
Kanadalaš fitnodatsearvi lea beroštuvvan eandalit gollis. Fitnodatsearvi jáhkká, ahte ovdamearkka dihte Báhčaveaijotleagis gávdno golli. Guovdageainnu ja Kárášjoga guovlu lea okta Norgga dehalamos boazodoalloguovlluin.
Dalradian Resources doaimmajođiheaddji Patrick Anderson čállá fitnodatsearvvi preassadieđáhusas, ahte dušše hárve lea vejolaš beassat hálddašit oarjeriikkas stuorra geográfalaš guovllu, mii lea beaggán iežas luondduriggodagain. Son joatká, ahte fitnodatsearvi ii sáhttán guođđit dákkár vejolašvuođa ávkkástalakeahttá.
NRK