Kássaluosaid šaddet goddit
Govva: YLE
Váralaš njoammudávda bágge goddit juoba guokte miljon kássaluosa Davvi-Norggas. Norgga borramušbearráigeahčču, Mattilsynet, lea mearridan bággonjuovvamiid ovtta luossašaddadanguovddážii Tromssa lahka. Guovddážis leat gávdnan váralaš njoammudávdda.
NRK dieđuid mielde luossafitnodahkii šaddet 30 miljon ruvnnu dahjege njealji miljon euro dáhput.
Borramušbearráigeahččolágádusa mielde dávda ii goit leat váralaš olbmuide. Olles Norgga luossašaddadanindustriija lea šaddan gillát dán dávddas.
NRK