Katainen: Mearrádus várusgoddeođastusas dahkko jođánit
Suoma stáhtaministtar Jyrki Katainen
Govva: YLE
Stáhtaministtar Jyrki Katainen lohpida, ahte mearrádusat várusgoddeođastusain dahkkojuvvojit sohppon áigetávvala mielde. Stáhtaráđđi gieđahallá bealuštanfámuid seastindoaimmaid ja várusgottiid heaittiheami gaskavahku.
Stáhtaráđi áigetávvalis leat soahpan ovttamielalaččat. Katainen mielas lea čielggas, ahte áigetávval ovdanbukto maiddái ođđa presidentii.
Riikkabeivviid ságadoalli Eero Heinäluoma evttohii maŋŋebárgga, ahte ášši maŋiduvvo presideantta molsuma geažil. Maiddái Guovddášbellodaga Seppo Kääriäinen gáibidii várusgoddeođastusa maŋideami.