NRK: Radioaktiivvalaš jodi Davvi-Skandinávia alde
Davvi-Norggas leat mihtidan áimmus radioaktiivvalaš jodi, muitala Norgga riikkaradio NRK. Jodi áice jo vahku dassái, muhto mihtidanboađus bođii easka maŋŋebárgga.
Maiddái Davvi-Ruoŧa ja -Suoma bajábealde leat Norgga suonjardaneiseválddiid mielde mihtiduvvon unna mearit radioaktiivvalaš jodi. Mihtiduvvon mearit eai leat váralaččat dearvvasvuhtii.
Norgga eiseválddiid mielde jodi lea johttán Ruošša bealde Davvi-Skandinávia ala, ja sáhttá leat beassan áibmui atomreaktoras, buohcceviesus dahe fabrihkas, mii buvttada dálkkasdieđalaš jodi.
Suoma suonjardandorvoguovddáš lea maid mihtidan áimmus unna meriid radioaktiivvalaš jodi. STUK čielggada jodi álgovuolgaga ovttasbarggus ránnjáriikkaid suonjardaneiseválddiiguin.