Soađegillái ožžot lasi láigovisttiid
Soađegilis ruvkefitnodat Anglo-American jođálmahttá láigovistehuksema. Fitnodat háliida buoridit váttis láigovistedili Soađegilis, ja searvá ovttas gielddain oktasaš vistefitnodahkii.
Láigovisttiid váilun lea eastán máŋggaid bargiid boahtimis Kevitsa ruvkii bargui.
Ruvkefitnodat gáibida, ahte Soađegili gielda searvá huksenfitnodahkii. Soađegili gielddaráđđehus mearrida searvamis gaskavahku.