Dávjodatdieđut

Jagi 1991 rájes YLE sámegielat radiosáddagat leat gullon sierra kanálas Davvi-Suomas. Jus dus lea RDS-radio biillas, sáhtát bissut YLE SAAME-kanálas gos dal vuojátge Davvi-Suomas.

Buot min sáddagiid gulat maiddái Ruoŧa ja Norgga rájáid lahkosiin. Oassi min sáddagiin gullo Norggas oalle viidátge, go mis leat olu oktasaš sáddagat ja mii lonohallat prográmmaid.

Mii buvttadat muđuige sáttaosiid maiddái Norgga ja Ruoŧa Sámi radioide ja sáhttit fállat fas iežamet guldaleaddjiide ránnjáradioid prográmmaid.

Árgabeivviid gulat olles gávcci diimmu sámegiela radios. Muđui min kanála sádde Radio Suomi sáddagiid.

Davviriikkaid Sámi radioid ulbmilin lea vuođđudit oktasaš dievas bálvalusa kanála.