Interneahtta
Govva: YLE Sápmi
Sámegielat interneahttabálvalusat leat lassánan sakka maŋimuš jagiid áigge. Máŋgga sámeásahusas ja -searvvis leat dán beaivve iežaset ruovttusiiddut interneahtas.
Yle Sámi Radio rabai iežas interneahttafálaldaga golggotmánus1997 Sámi Radio 50-jagi ávvudeami oktavuođas.
Min neahttasiidduin beasat lohkat ja guldalit varas ođđasiid. Dása lassin min siidduin leat eará bissovaš dieđut Sámis ja servodagas.
Interneahtta juksá olbmuid miehtá máilmmi. Interneahta bokte sámiin lea vejolaš fidnet iežasgielat bálvalusaid juohke sajis.
Yleisradio suomagielat doaibma ođadii iežas interneahttasiidduid jagi 2003 álggus. Yle Sámi Radio válddii atnui ođaduvvon www-siidduid geasset 2010. Sámi Radio interneahttafálaldagat leat fidnemis sámegiela lassin maiddái suoma- ja eaŋgalasgillii.