naviblock

Geahča ja guldal

Sámi Radio

Temát

Info

Suomeksi

In English

Facebook

Olet tässä

Oassi: Sámi Radio

Sámi Radio historjá

Govva: YLE Sápmi

Yleisradio álggahii jeavddalaš sámegielat sáddagiid golggotmánus 1947. Sáddenbáikin lei Oulu ja sáddagat gullojedje gaskaguhkes báruin vuossárggaid diibmu 19.15-19.30.

  Arkisto

Sámi radio álgu

Historjjá vuosttas sámegielat sátta lei juovlaipmilbálvalus Buolbmága girkkus Norgga bealde jagis 1936. Norggas álge jeavddalaš sámegielat radiosáddagat jagi 1946 loahpas. Suoma bealde sámegielat radiosáddagat álge sullii seamma áigge.
Sáddagiid álggaheapmi

Yleisradio álggahii jeavddalaš sámegiel sáddagiid golggotmánus 1947. Sáddenbáikin lei Oulu ja sáddagat gullojedje gaskaguhkes báruin vuossárggaid diibmu 19.15-19.30.
Fárren Roavvenjárgii

Álggos sámegielat radioprográmmaid sáddenbáiki lei Oulus, muhto juo jagis 1948 Samii Litto -searvi árvalii sirdit sáddagiid Roavvenjárgga rádiostašuvdnii, mii lei dalle gárváneamen.
Iežas prográmmat

Ođđa áigi sámegiel radiobarggus Suoma bealde álggii golggotmánus 1968, go vuosttas diibmobeale guhkkosas prográmma sáddejuvvui. Sámi ságat eai lean šat dušše ođđasat muhto maiddái jearahallamat, musihkka ja kulturáššit.
Ruoktot

Sámeradio sirdin eret Roavvenjárggas šattai vejolažžan 1970-logu álgogeažes, go Yleisradio njunnožat ledje gulul miehtagoahtán sápmelaččaid gáibádusaide. Dalle sámeradio ii oppa gávdnonge velá virggálaččat, muhto doaibma lei oassi guovlluradios Roavvenjárggas.
Rájáid rastá

Jurdda davviriikkalaš radioovttasbarggus lei riegádan juo 1940-logus, muhto dan dilis plánaid ii lean vejolašvuohta ollašuhttit. Easkka moaddelogi jagi maŋŋá niehku ollašuvai.
Iežas kanála

Jurdagat iehčanas sámeradios ledje bohciidan juo 1970-logus, go sámegielat doaimmahus oažžugođii doarjaga Yleisradio siste. Vaikko sámedoaimmahus lei juo sisdoalu bealis viehka iehčanas oassi Lappi guovlluradios, dat lei ain formálalaččat suomagielat hoavdda vuollásaš.
Muualla Yle.fi:ssä