Sámiid jietna
Evo Morales galledii Norgga Sámedikki miessemánus 2010. Sámi mediat ledje stuorra joavkkuin gullamin eamiálbmotpresideantta ságaid.
Govva: YLE Sápmi / Aslak Paltto
Yle Sámi radio sádde prográmma golmma sámegillii: davvisáme-, anáraš- ja nuortalašgillii iežas kanálas Davvi-Suomas.
Mii doaibmat olles sámeguovllus lagas beaivválaš oktavuođas Ruoŧa ja Norgga sámi radioiguin.
Sámi radio lea deháleamos sámi media Suomas. Dat olaha guldaleddjiidis jodánit hárvves ásson sámeguovllus. Dat lea áidna kanála, mas sámit besset guldalit ođđasiid, ságaid ja prográmmaid iežaset eatnigillii. Kanálas gullo eanaš sámi musihkka.
Sámi radio lea mielde sámiid árgabeaivvis ja doaluin. Go guldalat Sámi radio dieđát mii Sámis dáhpáhuvvá.
Radios lea stuorra mearkkašupmi sámegiela ovddideamis ja sámi identitehta nannemis.