Unna Junná
Heli, Máiju Siggá, Olivia ja boazobeatnagat. Filbmabájis: Bussá, rieban ja gumpe. Animašuvdnabájis: Áhku báhkka juolggit.
Sámi mánáid-tv Unna Junná ođđa prográmmaid oainnát juohke sotnabeaivve diibmu 7.45 YLE TV2:žis ja diibmu 08.15 FST5:žis.
Dán giđa Unna Junnás oaidnit earret eará boazobeatnagiid vielpáid, beassat musihkkamátkái, dutkat luottaid, málestit, riessut liinni ja geahččalat birget seavdnjadasas. Mánát leat maiddái ieža dahkan osiid giđa prográmmaide Unna Junná -bargobájiin, mat leat ordnejuvvon ovttas skuvllaiguin ja Sámedikki Filbmaguovddáš Skábmain.
Unna Junnás jotket dán giđa jo ovddežis oahpes prográmmajođiheaddjit Irene Länsman, Heli Huovinen, Niillas Holmberg, Anna Näkkäläjärvi, Anna-Katariina Feodoroff ja Leena Fofonoff.
Prográmmat leat davvisáme-, anáraš- ja nuortalašgillii. Dán giđa maŋimuš prográmma sáddejuvvo miessemánu 27. beaivve.