Anára guvlui plánejit ruvkesuorggi ámmátskuvlejumi bargofápmogursan. Gursa álggahuvvo njukčamánu beallemuttus, ja dat bistá jagi.
Skuvlejumi ordne Davvi-Lappi bargo- ja ealáhusdoaimmahat. Reijo Kangas bargo-ja ealáhusdoaimmahagas dadjá, ahte skuvlejupmái leamaš stuorra beroštupmi. Juo dál skuvlejupmái leat ohcan badjelaš 90 olbmo birra Suoma.
Anára gursa lea nubbi ruvkesuorggi ámmátskuvlejupmi, mii lágiduvvo bargofápmogursan. Vuosttas álggii mannan giđa Soađegilis.