Musealágádusa bargit ordnejit boahtte vuossárgga miellačájáhusa eretcealkináitaga geažil. Bargit vázzet Suoma álbmotmuseas Riikkabeivviide.
Bargit dolvot Riikkabeivviide iežaset evttohusa das, mo eretcealkimiin sáhtášii beassat. Miellačájáhusa ulbmilin lea oažžut lassiruđa Musealágádussii.
Musealágádusas áigot cealkit eret sullii 40 bargi, ja gávcci musea plánejit heaittihit. Dárkilut mearri čielgá dán mánu áigge.
Miellačájáhusa duohken leat Akavan Erityisalat, Julkisten ja hyvinvointialojen liitto JHL, ja Pardia. Stuorámus oassi lágádusa bargiin gullet Akavai.
Musealágádus gártá seastigoahtit, go stáhta jagi 2012 bušeahtas lágádusa mearreruđaid geahpededje measta golmma miljon euro ovddas.