Tänä vuon vezil kuolluttu on jo 40

Tänä vuon järvel libo jovel kuolluttu on jo kahtu kerdua enämbi, migu mulloi, sanou Trafi.

Yle Uudizet karjalakse
Pelastusvene Laukaan satamassa.
Tämän vuvven aigua Suomen syväinvezil on suannuh surman jo 34 hengie.Pirkko Tainio / Yle

Alguvuvven aigua vezil on kuolluh 40 hengie, mi on yhtenjyttyine miäry, kui kogo mullozen vuvven aigua kaikkiedah. Liikendehen turvalližusvirraston Trafin ennakkostatistiekan mugah järvel libo jovel kuolluzien miäry on kahtu kerdua enämbi, migu oli mulloi.

Tämän vuvven aigua Suomen syväinvezil on suannuh surman jo 34 hengie. Pahembat dielot ollah Kymijoven vezistös, kunne tänän vuon kuoli jo 15 hengie. Mulloi sidä vastah niidy oli vai 3.

Suurin vuitti kuolendois yhtyy venehen kuadumizeh libo kaldavumizeh. Äijis tapahtuksis motoran hädäkatkuažimen käyttö olis voinnuh avvuttua pellastumizes, tovendau Trafi omas tiijoittehes.

Tänä vuon ylen äijy rahvastu on suannuh surman toizeh veneheh libo mihgi kiindieh rakendeheh ähkähtettyy.

Luve sežo

Vesillä kuollut jo 40 tänä vuonna