Saastamoizen fondaspäi Päivännouzu-Suomen yliopistole 500 000 jeuruo

Tämän vuvven aigua Päivännouzu-Suomen yliopisto on suannuh Saastamoizen fondaspäi piäl 2,2 miljonan jeuron tugie.

Yle Uudizet karjalakse
Itä-Suomen yliopiston liput liehuvat.
Raija Törrönen / UEF

Kuopiolaslähtöine tiedo- da taidofondu Saastamoizen fondu (Saastamoisen säätiö) lahjoittau Päivännouzu-Suomen yliopistole 500 000 jeuruo Tiijos hyvä tulevažus -varoinečindykampuanieh. Kampuanien aigua on kerätty kai kolme miljonua jeuruo, mi on puolet yliopiston kerävötavoittehes.

Fondan halličuksen paginanvedäjän Petteri Karttuzen mugah on ihan tavalline dielo, gu yritykset da fondat ližätäh omua vuittii yliopistoloin ruandan tugemizeh, sendäh gu julgine rahoitus on vähenemäs.

Päivännouzu-Suomen yliopiston rehtoran Jukka Mönkközen mugah Saastamoizen fondu on andanuh ylen tärgiedy tugie eri muodolois. Mönkközen mugah fondu on nygöi yliopiston suurin yksittäine tugii.

Tämän vuvven aigua Päivännouzu-Suomen yliopisto on suannuh Saastamoizen fondaspäi 1 155 000 jeuruo yliopiston biotalovusprogramman todevuttamizeh da miljonan jeuruo kanzallizen epilepsiitiedovarandon luadimizeh. Sen ližäkse fondu on tugenuh 100 000 jeurol yliopiston tutkijoin ruandua ulgomualazis universitietois.

Luve sežo

Saastamoisen säätiöltä 500 000 euroa Itä-Suomen yliopistolle