Sápmi |

Boahtte vahkus ráđđádallet davviriikalaš sámesoahpamušas

Sámedikkit ja Davviriikkaid virgeolbmot ráđđádallet boahtte vahkus davviriikalaš sámesoahpamuša ovddideames. Suoma ráđđádallangotti ságadoalli Johanna Suurpää vuoigatvuohtaministeriijas dadjá, ahte ráđđádallamat leat ain álgomuttus.

Davviriikalaš sámesoahpamuš hábmejuvvui jagis 2005
Davviriikalaš sámesoahpamuš hábmejuvvui jagis 2005 Govva: YLE Sápmi

Suoma ráđđádallangoddái gullet sámedikki ovddasteaddjiid lassin vuoigatvuohta-, oahpahus- ja kulturministeriija ja Lappi lihtu ovddasteaddjit. Suoma áššedovdin leat eanan- ja meahccedoalloministeriija ja olgoriikkaministeriija ovddasteaddjit.

Davviriikkat ja sámedikkit leat ásahan viđa jagi mearreáiggi, mas galggašedje soabadit davviriikalaš sámesoahpamuša dohkkehaneavttuid. Viđa jagi mearriáiggis lea gollan juo jahki.

Varrasamosat: Sápmi

Váldoođđasat

Bivnnuhamosat

Anára gielda muittuha Presideantta oainnuinis ILO-soahpamušas ja sápmelašmeroštallamis

Anára gieldda ovddasteaddjit geigejedje maŋŋebárgga Dásseválddi Presideanta Sauli Niinistöi muittuhančállosa Anára gieldda áigeguovdilis áššiin. Anára gielda cealká Niinistöi earret eará, ahte ILO 169 -soahpamuša ii sáhte ratifiseret Suomas. Lassin gieldda mielas Meahciráđđehusa láhkaođasmahttimis galggašii sápmelaččaid sajis addit álgoálgosaš ássiide vuoigatvuođa oassálastit stáhta eatnamiin ja čáziin mearrideapmái. 2

Varrasamosat

Muualla Yle.fi:ssä