Säämi |

Áámmátškovlâliih kištodeh Ruošâst áámmáttááiđuin

Puáttee ive kištoh láá Anarist. Taan ive kištoin oovdânpyehtih puáttee ihán uđđâ kištosyergi, puásuituálu.

Suvi Kustula lii puásuituálu uáppee
Suvi Kustula vuálgá Murmanskin oovdânpyehtiđ puásuituálulinjá. Govva: Ulla Isotalo

Suomâ, Ruotâ já Ruošâ áámmátškoovlâi ohtâsâš Arctic skills -áámmáttáiđukišto lii 19.- 21.4 Murmanskist. Kišto uárnejuvvoo tääl nube keerdi já uáppeeh kištottâlleh maaŋgâ áámmátsyergist. Suomâ pele áámmátškovlâliih uásálisteh ovdâmerkkân tyeji-, sosiaal- já tiervâsvuođâ- sehe kokkâsuorgijd.

Puáttee ive Arctic skills -kištoh Suomâst

Puáttee ive kištoh tuállejuvvoo Anarist já ohtân kištošlaajân lii uáivildum meid puásuitipšo. Säämi máttááttâskuávdáá puásuituálu uáppee Suvi Kustula vuálgá Murmanskin oovdânpyehtiđ puásuipargoid.

– Mii vyelgip čäittiđ puásuituálulinjá tohon. Puáttee ive lii kišto puásuituálu peln-uv. Mii čäittip mii škovlimlinjá já čäittip taggaar poccuu čoonnâmvideo, te talle tot árvuštâlloo, muštâl Kustula.

Maht puásuituálusyergist puávtáččij kištottâllâđ?

– Tot lii tääl váhá smiettâmnáál, mii tast puávtáččij leđe. Puávtáččijhân tast leđe veikkâ njuárustâllâm.

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä