Sápmi |

Anára searvegoddi lea dohkkehan ovttastahttima Ohcejoga searvegottiin

Anára evaŋgela-luteralaš searvegotti váldostivra mearridii dohkkehit ovttastahttima Ohcejoga searvegottiin gaskavahku.

Gáregasnjárgga kapealla 28.1.2016
Gáregasnjárgga ođđa kapealla Govva: Jouni Aikio / Yle

Anára searvegoddi lea dohkkehan Ohcejoga searvegotti laktima dasa kapeallasearvegoddin. Dál searvegottit ovttas dahket evttohusa ovttastahttimis Oulu bismagoddái ja Girkoráđđehussii.

Anára searvegotti váldostivra ja searvegodderáđđi mearridedje áššis gaskavahku. Searvegotti váldostivra dohkkehii searvegodderáđi evttohusa jienain 15–2.

Mearrádusa vuostálaste guovttis guktuid doaibmarorgánain. Vuostálastit livčče hálidan, ahte mearrádus livčče dahkkon easkka giđa girkolaš čoahkkima maŋŋá.

Ovttastahttin boađášii fápmui boahtte jagi álggus

Evttohusa mielde Ohcejoga searvegottis šattašii Anára searvegotti kapeallasearvegoddi jagi 2018 álggus. Searvegoddejuogu áigot nuppástuhttit dasgo Ohcejoga searvegottis lea garra vealggit ja heajos ruhtadilli. Searvegottis ii leat šat várri máksit iežas bargiid bálkkáid golggotmánu maŋŋá.

Ohcejoga searvegotti váldostivra lea jo dohkkehan ovttastahttima iežas oasil. Ovttastahttimis mearrida čuovvovaččat Oulu bismagotti duopmokapihttal ja dan maŋŋá Girkoráđđehus.

Anára searvegotti girkohearrá Tuomo Huusko árvala, ahte Oulu bismágotti duopmokapihttal gieđahallá Anára ja Ohcejoga evttohusa ovttastahttimis cuoŋománus. Anára searvegoddi sávvá, ahte girkoráđđehus dagašii mearrádusa áššis jo borge-čakčamánus, vai searvegottiid sáhtášii ovttastahttit boahtte jagi álggu rájes.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä