Sápmi |

Anára skuvlla mánát čogge luohkkáreisui ruđaid juvllaid molsumiin

Anára skuvlla 5. luohkká vuolgá luohkkáreisui Helssegii čakčat. Sii čogge ruđaid juvllaid molsumiin ja biillain šattaige guhkes ráidu, go olbmot vuorddašedje vuoruidasas.

Renkaan vaihto
Govva: Mikkal Morottaja / Yle

Oahppit lávejit vuovdit goas keavssaid ja goas suohkkuid go čogget ruđaid loahkkareaissu váras. Anára skuvlla 5. luohkká lea čoaggán juo guhká ruđaid vai siige besset vuolgit gosa nu. Dán vahkkus 5. luohkká oahppit leat čoaggán ruđaid veahá earálágan vugiin.

– Na mii molsut geassejuvllaid ja mánát ožžot ruđaid leairaskuvlla varas, muitala vánhen Kirsi Mansikka-Aho.

Vánhen Kirsi Mansikka-Aho
Vánhen Kirsi Mansikka-Aho Govva: Mikkal Morottaja / Yle

Juvllaid molso Sámi oahpahusguovddážis ja dan olggobeallai, šattaige guhkes ráidu biillain, go oallugat ledje beroštan dán fálaldagas. Dálhan lea dat áigi go sáhttá juo bonjastit geassejuvllaid vuollai. Mánáid áhčit ledje álgán juo molsut juvllaid ovdal go fálaldat iešalddes galggai álgit. Son ii lean vuordán ná olu olbmuid.

– Dieđusge čakčat lei seamma ahte ledje nu olu olbmot ahte in vuordán veaháge. Muhto mu mielas dát lea hirbmat dehálaš dáhpáhus, Kirsi Mansikka-Aho muitala.

Báikkalaš háliida doarjur ruđačoaggima

Jan-Erik Paadar Anáris háliida doarjut skuvlamánáid ruđačoaggima.

Háliidin doarjut ohppiid luohkareaisobarggu. Dát lea buorre vuohki čoaggit ruđaid. Lean ieš maid leamašan dáppe molsume juvllaid ovddit jagiin. Mis leat njeallje biilla maidda galgá molsut juvllaid nu ovddit daid molsu dáppe garra eatnama alde go ruovttus sáttu alde, Paadar muitala.

Jan-Erik Paadar
Jan-Erik Paadar Govva: Mikkal Morottaja / Yle

Eai lean dušše vánhemat bargame ja čoaggime ruđaid, maiddai mánát ledje mielde bargguin. dát oahppi liikui dán bargui.

– Bassat juvllaid dainna alladeattobassiin, Nilla Mansikka-Aho muitala.

Mánáin lea dárkkuhus vuolgit luohkkáreisui Helssegii boahtte čavčča. Sii finadit museain ja stoahkanpárka Linnanmäkis go leat reaissus, muhto son ii goittotge daid vuordde eanemus. Nilla Mansikka-Aho goittotge vuorda girdima eanemus.

5. luohkka oahppi Nilla Mansikka-Aho.
5. luohkka oahppi Nilla Mansikka-Aho. Govva: Mikkal Morottaja / Yle

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä