Sápmi |

Boazodolliide ordnejuvvo buresveadjinbeaivvit

Buresbeadjinbeaivvit ordnejuvvojit Soađegilis ja Suoločielggis cuoŋománu loahpas.

Jietna: Boazodoalli ealu luhtte duoddaris.
Jietna

Boazodolliid buresveadjinbeaivi ordnejuvvo Soađegilis duorastaga 27.4. diibmu 10.30–16.00 ja dáhpáhusbáiki lea Selman pirtti. Suoločielggis buresveadjinbeaivi ordnejuvvo bearjadaga 28.4.2017 diibmu 11.00–16.00 Holiday Club Saariselkäs. Buresveadjinbeaivvit leat nuvttá.

Mela buresbirgenjoavku áššedovdi Märta Strömberg-Nygård muitala buresveadjinbeivviid prográmmas.

– Álggos boađán ieš muitalit das maid Mela fállá bargoburesveadjináššiin, makkár bálvalusaid mii fállat ja gos eará sajis sáhttá oažžut veahki iežas veadjimii. Dasto bargodearvvašvuođalágádusa njunuš áššedovdi Jalmari Heikkonen boahtá hállat eanet dás vuoiŋŋalaš veadjimis. Su ovdanbuktimat leat leamašan hui buorit ja olbmot leat liikon daidda.

– Dasto vel fysioterapevtta Iida Melamies boahtá muitalit mainna lágiin boazodoallitge sáhttet fuolahit gorudis. Datge lea hui dehálaš, eandalii go dát lea dakkár fysalaččat lossa bargu, ahte vuodjit ovdamearkka dihte mohtorgielkkáiguin guhkes mátkkiid. Ja Mela áššealmmáige lea báiki alde, jos lea juoga dakkár geavada áššit, nu sáhttá dasto seammás aššealbmáin dikšut daid.

Sávvet olu oassálastiid

Märta Strömberg-Nygård muitala, ahte Mela lea ordnen eanadoallofitnodatdolliide nuvttá buresveadjinbeivviid, ja sii háliidit fállat maiddái earáidege Mela áššehaččaide vástideaddji dáhpáhusaid. Nuba mearridedje ordnet maiddái boazobargiide buresveadjinbeaivvit.

– Rievtti mielde dat lea vuolgán dasge, ahte 2014 loahppajagis dagaimet dáppe Melas dakkár bargoburesveadjinjearahallama, ja jearaimet maid áššehaččat sávvet mis, makkár bálvalusaid sii vurdet. Nu juste dáid buresveadjinbeivviid sávve, ja dan dihte lea mearriduvvon ordnet min áššehaččaide buresveadjinbeivviid.

Strömberg-Nygård sávvá olbmuid oassálastit dáhpáhussii.

– Sávan ahte nu ollugat go vejolaš boađáše mielde. Go dál ordnet dákkár nuvttá beaivvi nu livččii dieđusge somá jos olbmot oassálasttale. Ja oažžu gal aivve ávkkálaš dieđu dasto beaivvi áigge. Ja duođai jos lea ovdamearkka dihte juoga dáhkádusášši dahje dáhpedorbmeášši nu sáhttá seammás áššealbmáin dikšut dan. Buresboahtin buohkat mielde.

Mela ordne dáhpáhusa ovttas Bálgosiid ovttastusain.

Dáhpáhussii galgá almmuhit 20.4. rádjái Sirpa Valkamai nummirii 0400 378 504 dahje čujuhussii sirpa.valkama(a)paliskunnat.fi.

Soađegili áigedávvala ja prográmma gávnnat dáppe, ja Suoločielggi prográmma dáppe.

Märta Strömberg-Nygård lei mielde Dearvva-sáddagis 12.4.2017.

Editerejuvvon 13.4.2017 dbm 11.54 Lasihuvvon diehtu almmuheamis.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä