Sápmi |

Davvisámegiella lasihuvvon Sanakirja.fi-neahttabálvalussii

Sanakirja.fi lea nuvttá sátnegirje- ja sátneoahppanbálvalus. Bálvalusa jámma ovddidit ja dál giellaválljenmunnái lea lasihuvvon davvisámegiella. Sátnegirjeozuid lassin Sanakirja.fi-bálvalusas sáhttá oahpahallat sániid hávskes spealuid bokte, dál maiddái sámegillii.

kuvakaappaus
Govva: šearbmagovva / Yle

Gielaid lohkkiid várás plánejuvvon Sanakirja.fi lea máŋggagielat giellabálvalus. Bálvalusas lea almmustahttojuvvon áibbas ođđa davvisámegiela sátnegirji, mas leat 33 507 ohcansáni, 50 033 jorgalusa. Davvisámegiela lasiheami geažil Sanakirja.fi sisttisdoallá buohkanassii 45 giela guovddáš sátneráju ja oktiibuot lagabui 2 000 giellabára.

Sátnegirjeozu giellabára sáhttá ieš friija válljet. Oahppi sáhttá geavahit vuolggagiellan eatnigielas leažžá dat sámegiella, suomagiella, ruoŧagiella, dárogiella dahje mii nu eará gielaid bálvalusa logiin gielain. Sámegiela ohcanbohtosis oidnojit sáni jorgalus, sátneluohkká, dássemolsašuddan, loahppakonsonántta molsašuddan, adjektiivva attribuhttahámit sihke deattamearkkain merkejuvvon goalmmát ceahki konsonántaguovddáš.

Bálvalusas maid spealut

Sanakirja.fi-bálvalusas sáhttá maid dahkat sátnelisttuid ja oahpahallat daid speallamiin vihtta sierra spealu.

Sanakirja.fi doaibmá telefovnnain, dihtordulbosiin ja mátkedihtoriin, buot dábáleamos bláđejeaddjiiguin. Bálvalusas sáhttá geavahit sátnegirjjiid ja oahpahallat sániid nuvttá ja registrerekeahttá iežas. Registrerejuvvon geavaheaddjit sáhttet dasa lassin dahkat iežaset sátnelisttuid, ánssášit spealuid bokte mearkkaid sihke čuovvut ovdánumiset ja evttohit sátnegirjái lasihahtti sániid.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä