Sápmi |

Deanu kulturskuvla boahtá čájehit iežas Lohkat Nollii-teahterbihttá Sajosii bearjadaga

Suoma beale sámenuorat čoahkkanit bearjadaga geahčcat Deanu kulturskuvla teahtera Sámekulturguovddáš Sajosii, Anárii. "Lohkat Nollii" -teahterčájálmas lea rabas buohkaide, muhto ii heive unnimus mánáide.

Deanu kulturskuvla
Govva: Deanu kulturskuvla

Suoma beale sámenuorat čoahkkanit bearjadaga geahčcat teahtera Anárii. Deanu kulturskuvla boahtá čájehit iežas bihttá "Lohkat Nollii". Sámimanáidkulturguovddáš Mánnu ja Deanu kulturskuvla dat ovttas fállet teahterčájáhusa nuoraide, mii lea oaivvilduvvon 12 jagis ovddosguvlui.

Oktiibuot Sajosii Anárii čoahkkanit 160 nuora Suoma beale Sámis. Sámimánáidkulturguovddáš Mánnu ja Deanu kulturskuvla leat bargan ovttas jo máŋggaid jagiid ja ovttasbarggu bohtosin nuorat besset návddašit teahteris.

Rabas buohkaide – ii heive goit unnimus mánáide

Mánnu lea ordnen sáhtu sámegielat luohkáide Anárii. Skuvlanuorat bohtet Vuohččus, Gáregasnjárggas, Avvilis ja maiddái Kárašjoga nuorat leat boahtimen geahččat teahtera. Maiddái buohkat earát geat leat beroštuvvan, leat buresboahtimat geahččat teahtera diibmu 11.00 Sajosii.

Teahterbihttá "Lohkat Nollii" lea fámolaš ovdanbuktin, man temán lea nuorravuohta ja dasa láktašeaddji hástálusat. Teahterbihttá gieđahallá maiddái duođalaš áššiid ja danne ii heive mánáide.

Teahterbihttá lea čállán Kristofer Grønskag ja dan fas lea bagadan Deanu kulturskuvlla drámaoahpaheaddji ja ámmátneavttár dramaturga Ebba Joks.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä