Sápmi |

Duojár ja duodjeoahpaheaddji Mihku-Ilmar lea skeŋken iežas hervenvuorkká Sámi Arkiivii

Anárlaš Mihku-Ilmara, Ilmari Laiti eallin lea áli jorran sámi duoji birra. Go son ieš duddjui, son lávii hearvvaid sárgut báhpára ala ja dathan leat dieđusge čoggon viehka látna. Dál dát su plánat galget rádjui Sámi Arkiivii ja leat ávkin prošeavttas, go álget rádjat sápmelaš hervenárbevieru.

Mihku Ilmár
Govva: Vesa Toppari / Yle

Nugo máŋggas varra dihtet, sápmelaččas lea vuohki rájadit buotlágan áššiid ja diŋggaid. Anárlaš ealáhatalmmái Mihku-Ilmar, Ilmari Laiti lea oalle guhkes áiggi čoaggán iešguđetlágan dieđuid duojis. Dál su dieđut galget šaddat ávkin maid earáide go dušše gavjja čoaggit su hildus. Ja easka rávda lea váhá guoskahuvvon, go son ovttas prošeaktabargiin lea váhá borven su vuorkkaid.

– Dá lea easka, vehá letne geahččan dás juos maid buot galge de lea, manná vahku ohcat dáid. Das leat aviissamuitalusat, ja govat ja earálágan gijjiiguin ja diekkáriiguin leat govat, ahte dat ávnnasšládja lea várra viiddis, juos áigu mu áiggis vurket.

Čohkkemin sámi hábmenárbevieru

Sámi Arkiiva Anáris lea álggahan AIDA- nammasaš prošeavtta, man ulbmilin lea vurket namalassii sápmelaš hábmenárbevieru. Aida dahjege "Arctic Indigenous Desing Archives" -prošektii maid Mihku-Ilmara materiálat galget leat ávkin.

Materiálat ráddjojuvvojit dasto digihámis, báhpáriidhan áigi borrá. Dieđut hápmemis eai vel leat nu ollu vurkejuvvon.

– Jurdda lea dakkár, ahte mii hálidat čoaggit dákkár ávdnasii, gos oidno sámi hápmenjurdda dan duoji duohkin, muitala prošeaktabargi Inka Kangasniemi.

Mihku-Ilmar barggai guhká duodjeoahpaheaddjin ja lea maid ieš duojár. Son lea hápmen mánggalágan áššiid, nu hearvvaid go maid nu gohčoduvvon logoid, mat leat juoga organisašuvnna, fitnodaga dahje lágádusa dovdomearkan. Dakkáriid son lea hápmen logemađe nu servviide go sámilágádusaidege. Sámi hearvamálletge sus leat valjis rájus, leaihan son dárkkes almmái.

– Dáid maid mun lean herven, geahččalan hearvvaid, mus lea oainnat dakkár dáhpi, ahte mun in ovttaid hearvvain birge, mun lean danláhkai tevdnen vus hirpmat lána earálagan ja heivehallan dan duodjái maid de lean goasge duddjon, muitala Mihku-Ilmar.

Geahča Yle ođđasiid diibmu 15.10 Yle tv1-kanálas ja Ođđasiid diibmu 20.45 Yle Fem-kanálas.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä