Sápmi |

Eana- ja meahccedoalloministeriija čohkke dál olbmuid oaiviliid boazodoalus

Eana- ja meahccedoalloministeriija čohkke dál olbmuid oaiviliid boazodoalus. Ulbmilin lea čielggadit makkár hástalusaid ja vejolašvuođaid vástideaddjit oidnet boazodoalus.

Boazu
Govva: Vesa Toppari / Yle

Eana- ja meahccedoalloministeriija lea rahpan buohkaide rabas neahttajearahallama, mainna čohkkejuvvo álbmotmáhcahat ja oaivilat boazodoalus. Fierbmejearahallamis olbmot sáhttet muitalit oaiviliiddiset boazodoalus. Ulbmilin čielggadit, makkár hástalusaid ja vejolašvuođaid vástideaddjit oidnet boazodoalus, ja guđe guvlui boazodoalu ja ministeriija boazodoalu guoski doaibmanvugiid galggašii boahttevuođas loaiddastit.

Boazodoallu lea mannan čađa manjemuš  logijagiid áigge mearkkašahtti nuppástusaid nu guohtoneatnamiid go doaibmanvugiid dáfus, ja ministeriija háliida dál dutkamušdieđu lassin gártet olbmuid áddejumiid ja oaiviliid boazodoalus.Ministeriija almmustahttá jearahallama váldo bohtosiid go čoahkkáigeassu gárvána.

Siiddus www.mmm.fi/porokysely2017 almmustahttojuvvon jearahallan lea rabas golggotmánu 2017 loahpa rádjai. Doppe gávdojit gažadanskovit sihke davvi-, anáraš ja nuortalašgillii. Ministeriija sávvá oažžut vástádusaid olbmuin miehtá Suoma. Jearahallamii sáhttá oassálastit maiddái poastta bokte.

Boazodoalu stivren gullá Suomas eana- ja meaccedoalloministeriija hálddahussuorgái. Boazodoaluin barget Lappi, Davvi-Nuortabađaeatnama ja Kainuu eanagottiin buohkanassii 122 936 njealjehaskilomehtera viidoasaš boazodoalloguovllus. Dat addá mearkkašahtti ealáhusa sullii duhát dállodollui.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä