Sápmi |

Eanodaga válgaurtnain ain buorre sadji

Gárasavvona ja Heahtá válgabargiid mielas oalle viššalit leat eanodatlaččat jienastallan odne, muhto ain váilot jienat, go jienastanáigi lea eanet moadde diimmu.

jienastanbaikai heahtas
Jienastanbáiki Heahtásnai vuordá vel jienasteaddjiid gitta 20.00 rádjái. Govva: Minna Näkkäläjärvi / Yle

Heikki Järvistö sinetöi
Válgabargi Heikki Järvistö seile Heahtá válgaurtna. Šaddágosondat urdna dievva vai válljejitgo eanodatlaččat nu gohčoduvvon "oađđiiid" bellodaga, eaige geavat iežas jienastanvuoigatvuođa Govva: Minna Näkkäläjärvi / Yle
Heahtás ledje diibmu 17.00 rádjái jienastan juo sulaid 170 olbmo, válgábargi Jouko Ala-Poikela mielas oalle viššalit jienastallan, vel goitge leat   “jávkosis” sulaid 350 jiena Leaibejávrri – Heahttá – Báljotnájálmmi jienastanguovllus.
Válgabargi Jouko Ala-Poikela
Válgabargi Jouko Ala-Poikela Govva: Minna Näkkäläjärvi /Yle

Válgabargi vuordá alla jienastanproseanta

Dievddut ja nissonolbmot ledje seammá áktiivvalaččat finadan Heahtá válgaurdnii jienastanláhpuid čálášeame. Jouko Ala-Poikela árvalus lei ahte dainge válggain eanodatlaččat besset badjel 70%  jienastan prosentii. Ovddit gielddaválggain Eanodaga jienastanproseanta lei 71,8%

Gárasavvonis dievddut viššaleappot jienastit go nissonolbmot

valgabargit garasavvonis
Válgabargit Gárasavvonis leat movtta go Gárasavvona dievddut leat jienastan nu aktiivvalaččat. Badjin gurot bealde Paula Tyrvänen, saara Ketola Sannamari Blinnikka-Tyrväinen, ovddabealde gurotb. Joona Kotavuopio ja Sulo Syväjärvi Govva: Minna Näkkäläjärvi / Yle
Gárasavvonis dilli lei, válgabargi Paula Tyrvänen mielde, nu ahte vehá badjelaš 140 jienasteaddji jietna lei vel geavatkeahttá. Gárasavvona guovllu  nisson olbmot eai lean seammá aktiivvalaččat go dievddut jienastallan.

Gelddolažžan vuordit diibmu 20.00 rádjái, go jienastanáigi nohka, mot Gárasavvona ja Heahtá guovllu jienasteaddjit gerget vel válgaurtnáide doapmalit.

Dievasmahtton dii 18.50

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä