Sápmi |

Eanodatlaččat leat ožžon stuorra skeaŋkka, dat ii goit leat bissovaš

Eanodatlaččat leat ožžon skeaŋkka, mii ii goit leat bissovaš. Gielda ovttas Revontuli-Opistoin skeŋke olles 100 muohtadáiddaduoji báikegoddái Suoma 100 jagi ávvudeami gudnin.

Video: Lumitaidetta Enontekiöllä
Video

Heahtá gillái leat ceaggánan muohtadáidda. Taru Mäkitalo čuollá muohtaladni vai beassá testet ja hárjehallat, maid mánáiguin sáhtášii hukset muohttagis.

– Finadin hárjehallamin ovddalgihtii maid mánáiguin sáhtášii muohttagis ráhkadit. Muohtaladni orui leamen buorre, go dan čáđa sáhttá buokšalit.

Suopma 100 jagi ávvudeami gudnin Eanodaga gielda ovttas Revontuli-Opistoin adde olles 100 muohtaskeaŋkka báikegoddái.  Dáhpáhus lea álgán guovvamánu álggus ja nohká dán vahkus.

Hárjánan muohtačuollit oahpahedje eanodatlaččaide mo čuollat muohttagis dáiddaduoji

Ovdalgo vuolgá olggos čuollat muohtaráhkkanusaid, de gánneha vuos hábmet dasa heivvolaš ávdnasiin. Go čuollagoahtá muohttaga, de álgui beassá buoremusat sahán. Tarja Matikainen oahpaha, mo gálgá čuollát muohttaga, nu ahte dat oažžu hámi. 

– Mun lean liikon stivret uhcit dáiddáriid, dieđusge maid ollesolbmuid, ja oaidnit dan duddjoma ilu. Roahkkadit dušše geahččalit dán barggu, mo dat orru. Gal dat čehppodat lassána.

Lumitaidetta Enontekiöllä
Govva: Pekka Aikio / Yle

Janne Andberg maid oahpista, mo galgá čuollat muohttaga ja seammás iešge gilvvohallá.

– Mii leat hárjehallan muohttagiin ja jieŋain olles dálvvi sierralágan dáhpáhusain. Dát lea maid somás skuvlendilálašvuohta, goas beassá geahččaladdat. Geat vuosttas geardde veistet, sis sáhttá leat varas oaidnu áššái.

Taru Mäkitalo mielas ii leat nu dehálaš, makkár ráhkkanus muohttagis gárvána baicce juos dat lea mánáide oaivvilduvvon.

– Mu mielas mánáiguin lea hui somá bargat, go dat maid barget, dan alde sáhttá vaikko gorkŋodit ja diená.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä