Säämi |

Enijpeeivi uággumkištoi nisonij syergi vyeittee lii vuáittâm jyehi nube kišto moos uásálistâm

Aanaarjäävri Kuátiluovtâ uággumkištoi uásálistein iänááš lijjii nisoneh - 28 uásálistest ohtsis 16. Nisonij syergi vuoitij Hilkka Fofonoff já almai syergi Kuhmolâš Aarre Karppanen.

Hilkka Fofonoff
Govva: Anja Kaarret / Yle

Nisonij syergi vyeittee Hilkka Fofonoff lii spesiaališum suávvilijd já miänástum pyereest taan kiiđâ kištoin. Enijpeeivi kišto vuáittu lâi sunjin taan ive kuálmâd já tot poođij neljijn suávvilijn, moi ohtsâštiäddu lâi 1675 grammâd.

Sun lii lamaš taan kiiđâ kuuđâin kištoin já tienuuvt vuáittâm tain jyehi nube. Vuáittu ij kuittâg lah áinoo äšši mii hookât suu čokottâllâđ jieŋâ ool.

– Taat lii nuuvt hitruu. Uážžu leđe olgon já ulmuiguin savâstâllâđ, Fofonoff muštâl.

Vuáituh láá ovdil-uv puáttâm suávvilijn. Muddusjäävri uággumkištoid sun vuoitij ovttáin 1100 gr kuolijn.

– Toh (suávvileh) láá tuš toppim muu vuogâid, sun povvâst.

Aanaar kištoh hokâttâleh uásálisteid kukken-uv

Almai syergi vyeittee Aarre Karppanen lâi puáttâm Kuátiluohtân Kuhmost. Vuáittu poođij 3550 graamâ salâsáin. Karppanen rámmoo Aanaar kuávlu uággumkištoid.

Aarre Karppanen
Aarre Karppanen vuoitij almai syergi 3550 grammáin. Govva: Anja Kaarret / Yle

– Mun lam tuše lijkkuustum taas. Maaŋgâid loovijd iivijd lam jottáám tääbbin, iätá Karppanen.

Uággumkištoid puáhtá kejâstiđ tääbbin.

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä