Sápmi |

Guovddážii cakkastanvuoitu Ohcejogas, gurotravdda nuorra nissonat fámuin váldostivrii

Guovddášbellodat ja Olgešbellodat massiba guktot ovtta áirasa Ohcejogas. Guovddáš joatká goittotge gieldda stuorámus bellodahkan 5 váldostivrraáirasiin.

Anni Koivisto ja Anni Ahlakorpi
Ohcejoga ođđa váldostivraáirasa Anni Koivisto ja Anni Ahlakorpi Govva: Vamok ja Yle

Válggaid čielga vuoittit ledje SDP ja Gurotbellodat, mat ledje ceggen oktasaš válgalihtu. Dan vehkiin oaččuiga guktot bellodagat ovtta lassesaji. SDP ovddas váldostivrii beassá 25-jahkásaš Anni Koivisto. Gurotbellodaga ovddas fas 30-jahkásaš Anni Ahlakorpi, gii maiddái jođiha Suoma Gurotbellodaga nuoraidlihtu.

Cakkastanvuoitu

Guovddášbellodaga Ilmari Tapiola, Gáva-Ilmár lea duđavaš válgabohtosii vaikko bellodat masságe ovtta váldostivrasaji.

- Válgabohtosis oidno čielgasit Deanu soahpamuš, Guovddášbellodat ja Kokoomus táhpejedje vaikko eat leat báikkálaš dásis dorjonge soahpamuša, lohká Tapiola.

Ohcejoga guovddášbellodaga Gáva-Ilmár, Ilmari Tapiola
Ohcejoga guovddášbellodaga Gáva-Ilmár, Ilmari Tapiola Govva: Maria Saijets/ Yle
Tapiola illuda eandalii go nuorat ja nissonolbmot besse váldostivrii. 

- Jáhkan buori ovttasbarggu joatkašuvvat ođđa bajisge, dadjá Tapiola.

Vaikko Tapiola beasaige váldostivrii stuoramus veardidanloguin de lei válggaid jietnahárát Ohcejogas gilvaleaddji bellodagas. Eanemus persovnnalaš jienaid, 54 stuhka, čohkkii Ohcejogas SDP Mika Aikio, gii Ohcejoga guolástangotti ovdaolmmoš ja beaggán olu maŋimuš áiggiid aiddo Deanu soahpamuša olis.

Gieldda jienastanproseanta lei 78,1 ja bázii váile vihtta proseantaovttadaga ovddit gielddaválggain.

 

Ohcejoga váldostivrii válljejuvvojedje čuovvovaš áirasat:

Guovddášbellodat 5 saji (rievdádus -1)

Tapiola, Jouni Ilmari

Tapiola, Uula

Halonen, Markku (ođđa)

Hekkanen, Raimo (ođđa)

Katekeetta, Antti

 

Olgešbellodat Kokoomus 3 saji (rievdádus -1) (válgalihtus Kristtálašdemokráhtaguin)

Kordelin, Marjatta

Porsanger, Veikko Antero

Valle, Henry Tapani

 

Suoma sosiáldemokráhtalaš bellodat 2 saji (rievdádus +1) (válgalihtus Gurotbellodagain)

Aikio, Mika Samuel

Koivisto, Anni (ođđa)

 

Vuođđosuopmelaččat 1 sadji

Manninen, Ismo Kalervo

 

Suoma ruoŧŧelaš álbmotbellodat 1 sadji (rievdádus -1)

Lukkari, Sammol Antti (ođđa)

 

Gurotbellodat 2 saji (rievdádus +1) (válgalihtus SDP:ain)

Ahlakorpi, Anni Auroora (ođđa)

Nordberg, Aulis Arnold

 

Kristtalašdemokráhtat 1 sadji (rievdádus +1) (válgalihtus Olgešbellodagain)

Konttinen, Pirjo Hillevi (ođđa)

Editerejuvvon 10.4.2017 diibmu 9.46: váldogovva molsojuvvon

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä