Sápmi |

Heahtá musihkkabeaivvit leat álgán

Heahtá musihkkabeaivvit álge maŋŋebárgga ja bistet sotnabeaivve rádjái.

Jietna: Hetan musiikkipäivät
Jietna

Heahtá musihkkabeivviid dáhpáhusčálli Sirpa Mannela muitala, ahte dán jagáš Heahtá musihkkabeivviin ávvudit máŋggalágán dáhpáhusaid.

– Lea Suopma 100 jagi, dán eahkeda konsearttas lea suopmelaš musihkka, veháš geahppasut musihka, lea ođđasut ja boarrásut. Eanodaga gielda go deavdá 140 jagi, nu mis leat dakkárge duojit mielde, mat leat komponerejuvvon 140 jagi dassái. Ja go Eanodaga searvegoddi deavdá 270 jagi, nu maiddái dakkár duodji lea mielde mii lea komponiserejuvvon 270 jagi dassái.

Maiddái sámegiella gullo

Maiddái čuođi jagi deavdán davviriikkalaš sápmelaš ovttasbarggu leat háliidan muitit.

– Lea dakkár čájáhus, man Tapio Tuomela lea komponiseren. Mii leat háhkan dakkár komponiserenduoji, mii veháš laktása lappilašvuhtii ja sápmelašvuhtii. Das lávlot osiid maiddái sámegillii.

Tapio Tuomela komponiseren konsearta lea sotnabeaivve 16.4. loahpahankonsearttas, mii álgá diibmu 19.00. Konsearttas loaiddastit Borea-kvarteahtta ja sopráno Piia Komsi.

– Muhto loahpahankonsearttas leat olu earátge loaiddasteaddjit, muittuha Mannela.

Musihkkafálaldat máŋgga sajis

Sirpa Mannela muitala ahte Heahtá musihkkabeivviid musihka beassá guldalit máŋgga sajis.

– Gaskavahku lea lihkadanhálles konseartta skuvllalaččaide ja beaiveruovttománáide. Lávvordaga lea boarrásiidsiiddas konsearta, sihke maiddái Pyhäkero ávdinstobu musihkkaboddu lea lávvordaga. Ja Juhlsis Guovdageainnus lea konsearta lávvordaga diibmu 17.00 Suoma áigge.

– Eanodaga girku lea min váldokonseartabáiki, nappo doppe leat konseartat duorastaga, bearjadaga, lávvordaga ja sotnabeaivve eahkedis. Dasto dieđus gaskavahku sálbmalávluneahket lea girkus.

Bileahtaid Heahtá musihkkabeivviide sáhttá oasit konseartabáikkis diimmu ovdal konseartta, dahje lipputoimisto.fi –bálvalusa bokte interneahtas.

Heahtá musihkkabeivviid prográmma gávnnat dáppe.

Sirpa Mannela lei mielde Dearvva-sáddagid 11.4.2017.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä