Sápmi |

Ijahis ija 2017 temán Juoigansuopmanat – vuosttaš artisttat almmuhuvvon

Eamiálbmogiid musihkkafestivála Ijahis ija dán jagi artisttat leat almmuhuvvon. ÁRA-joavku boahtá vuosttas háve čuojahit Suoma beale Sápmái.

ÁRA joavku njunus Simon Issát Marainen fállá Girkásit-albuma dálkasin sámiide geain leat dahje leat leamašan sevdnes jurdagat
ÁRA-joavku vuosttaš háve Suomas ja Ijahis ijas Govva: Preassagovva

Jagis 2017 eamiálbmogiid musihkkafestivála Ijahis idja lágiduvvo oahpes vuogi mielde borgemánu beallemuttus Anára girkosiiddas. Festivála dáhpáhusbeaivvit leat 18.-20.8.2017.

ÁRA-joavku vuosttaš háve Suomas ja Ijahis ijas

Ruoŧasápmelaš juoigi Simon Issát Marainen ÁRA-joavku boahtá vuosttaš háve Supmii ja Ijahis idja-festiválii. Joavku lea almmuhan vuosttaš albuma jo jagis 2010 ja johtán čuojaheamen birrat birra. Ođđa cd-skearru Girkásit almmuhuvvui guovvamánus 2017. Joavkku musihkas ovttastuvvet árbevierru ja inspirašuvdna, ustitvuohta ja liekkusvuohta, luohti ja improvisašuvdna. ÁRA musihkka lea duođaid áidnalunddot. Dat leat mátki čađa sániid ja šuoŋaid duovdagiid.

Ravggon – folk-rock Vuohčus

Viššalit miehtá Eurohpa čuojaheamen johtán Ravggon lávke maiddái vuosttaš geardde Ijahis ija lávddi ala borgemánu eahkedis.  Jagis 2015 Ravggon oassálasttii Sámi Grand Prix-gilvvu lávlunoassái ja bođii goalmmádin. Seamma jagi joavkku šuokŋa In dárbbat appelsiinnaid lei Yle Sámi radiosáddagiid eanemus čuojahuvvon lávlla. Jagi maŋŋelis joavku almmuhii debyhtaalbuma Ráji Ravddas.

Ravggona musihkas ja lyrihkain gieđahallo dálámáilmmi jallodat ja olmmošvuođa ruojusvuohta, maiddái sin iežaset ruohttasat ja luonddu fápmu leat guovddážis. Ravggon lea ráiddus ravgu boazu, mii ii doahttal geange!

Temán juoigansuopmanat

Ijahis idja lágiduvvo dál njealljenuppelogát geardde. Dán jagaš temán lea Juoigansuopmanat. Dáinna temáin festivála háliida buktit ovdan sápmelaččaid rikkes vokálamusihkkašlájaid valljivuođa. Temá lea dán jagi áigeguovdil, dasgo lea gollan 100 vuosttaš davviriikalaš sápmelaččaid čoahkkaneamis, mii ávvuduvvui Sámi álbmotbeaivve áigge Troandimis máŋggabeaivásaš ávvudoaluiguin.

Musihka bokte festivála háliida čalmmustahttit ahte fuolakeahttá sierralágan báikkálaš stiillain, sápmelaččain lea oktasaš musihkkaárbevierru, man iešguđetgelágan báikkálaš árbevierut hervejit ja mii ovttastahttá sápmelaččaid riikkarájáid rastá. Dáhpáhusas lea temákonsearta, mas loaiddastit juoigit miehtá sámeguovllu Suomas, Ruoŧas, Norggas ja Ruoššas ja máŋggain sierra sámegielain.

Ijahis ija dievaslaš prográmma almmuhuvvo dáhpáhusa neahttasiidduin geassemánu áigge.

Ijahis idja lágiduvvo 18.-20.8.2017 Anáris.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä