Sápmi |

Katja Gauriloff vállje vuosttas Lappi-girjjálašvuođabálkkášumi vuoiti

Lappi girjerájuid ásahan 2000 euro sturrosaš bálkkášupmi juhkkojuvvo guovvamánus Roavvenjárggas. Maiddái Sámis leat guokte evttohasa bálkkášumi oažžun.

Katja gauriloff
Govva: Maria Saijets / Yle

Vuosttas Lappi-girjjálašvuođabálkkášumi vállje nuortalaš filbmadahkki ja jagi 2016 nuortalaš Katja Gauriloff.

Lappi girjerájut ásahedje Lappi-girjjálašvuođabálkkášumi Suoma 100-jagi ávvujagi gudnin. Vuosttas bálkkášupmi juhkkojuvvo 8.2.2017 Roavvenjárgga gávpotgirjerájus. Bálkkášumi áigot juohkit juohke nuppi jagi.

2 000 euro sturrosaš bálkkášumi addet Suomas dahkkon ánssolaš suomagielat girjái, man lea čállán Lappi olmmoš ja man fáddá lea Lappi. Girji galgá leat maiddái oaivvilduvvon ollesolbmuide ja almmustuvvan jagiid 2015-2016 áigge.

Sámis guokte evttohasa

Vuosttas bálkkášumi evttohasaid válljii ráđđi, mii gieđahalai 150 girjji, mat heivejit sin kriteraide.

Sámi girječálliin Niillas Holmberg suomagielat diktagirji Jos itseni pelastaisin itseltäni ja Kerttu Vuolab suomagielat jorgalus girjjis Bárbmoáirras leat evttohuvvon bálkkášumi oažžun.

Álbmot sáhttá jienastit iežas jiellatgirjji bábirskoviin iežas girjerájus dahje neahta bokte. Álbmoga jiellat oažžu 500 euro.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä