Säämi |

Kieldâváldálâš Anu Avaskari ana vaaljâpuátusijd positiivlâččân

Aanaar kieldâvaaljâin váldustiivrân pottii ennuv uđđâ jesâneh - 27 jesânist 15 láá vuosâkiárdáliih.

Jietna: Anu Avaskari kunnallisvaltuutettu
Jietna

Vuámášittee äšši lii meid tot, et váldálijn 16 láá nisoneh. Kuhesáigásâš kieldâváldálâš Anu Avaskari tulkkoo kieldâvaaljâpuátusijd tuoivâlávt.

– Lam uáinâm tom ääigi, et kieldâhaldâttâsâst lijjim áinon nisonin oovcest já talle-uv hirmâd stuorrâ jienâmere uážžoin lâi vaigâd finniđ kieldâhaldâttâssaje. Täälhân, ko lii taat täsiárvulaahâ já mudoi-uv, ko nisoneh finnij návt šiev vaaljâmiänástus, te tot lii positiivlâš äšši já puáhtá vissásávt taggaar olmoošlij uáinu miärádâsâin, muštâl Avaskari.

Váldálij pargoh maaŋgâ syergist

Avaskarist láá mielâst valjeest ääših maid kieđâvuššâđ puáttee paje ääigi. Sun haalijd tiäduttiđ ovdâmerkkân šiev kieldâtuálu já šiev palvâlusâid.

– Ubâlâšvuotân, kieldâ pargovuođâ ovdedem já kuhesáigásâš pargottesvuotân vuáijum lii lamaš must persovnliih ulmeh jo maaŋgâ vaaljâpaje ääigi, sun iätá.

Sämiaašijn Avaskari mainâš eereeb iärán soti-uđâstus já sämikielâlij máttááttâs ovdedem. Sun tuáivu kuittâg, et sämmilij aašij kieđâvuššâm pisoččij iänááš Sämitiggeest.      

– Jiem meendu ennuv lijkkuu toos, et iärrâseh ko sämmiliih taa vaaljâi ääigi-uv láá puáhtâm uáinusân taam ääši. Kieldâ ubâlâšvuotân tot kulloo, mut taam-uv ääši haldâšem kulá sämmilijd, et tom-uv kalga porgâđ ovtâspargoin Sämitiggijn.

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä