Sápmi |

LK: Maŋimuš lohpegeatki goddon Giehtaruohttasis

Álgovahkus lea Giehtaruohttasis goddon maŋimuš lohpegeatki.

Geatki duoddaris
arkiivagovva geatkkis Govva: Yle

Vuossárgga goddui maŋimuš lohpegeatki Giehtaruohttasis, muitala Lapin Kansa -aviisa. Dál buot gávcci geatkki, maidda lei addon goddinlohpi, leat goddon.

Geatki leamaš Suomas ráfáidahtton meahcceealli 1980-logu álggu rájes. Spirevahágiid easttadeami dihtii eana- ja vuovdedoalloministeriija attii dán jahkái lobi goddit getkkiid vuosttas geardde 35 jahkái. Diibmá stáhta mávssii getkkiid dagahan boazovahágiin 6,5 miljon euro boazodoalliide.

Goddon getkkiin guokte geatkki ledje njiŋŋálasat, muhto Luondduriggodatguovddáža mielde dain eai goittot lean čivggat eaige dat lean čoavjjis.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä