Sápmi |

Loddevahkus lea fállun sámegielat loddeboddu Anáris

Sámegielat loddevázzinmohkki álgá lávvardaga 20.5. diibmu 12 ja suomagielat boddu diibmu 15 Siida sámemusea ja luondoguovddáža šiljus. Lávvardaga leat oahpistuvvon loddebottut maiddái Soađegilis ja Roavvenjárggas.

yksi joutsen
Njuvččat Govva: Anja Kaarret / Yle

Loddevahku rabas dáhpáhusat davvin leat eanaš lávvardaga miessemánu 20. beaivve. Anáris ordnejuvvojit dalle nu sámegielat go maiddái suomagielat loddeboddu. Lottiid geahčadit ja guldalit dalle vácci Anár márkanbáikki lahkosiin. Loddebottut leat nuvttá iiige daidda dárbbaš almmuhit iežas ovddalgihte.

Vuolgga sámegielat loddevázzimii lea Siida Sámemusea ja luondoguovddáža šiljus diibmu 12. Mielde leat sihke davvisámegielat ja anárašgielat oahpispisteaddji. Váccašeapmi bistá guokte diimmu. Dárkilut dieđuid oainnát Siida-siidduin.

Suomagiellat vázzinboddu Anáris álgá Siidda olggobealde diibmu 15. Suopma 100 jagi -loddevahku dáhpáhusaid Anáris ordnejit Siida Sámemusea ja luondoguovddáš ja Yle Sápmi. Lappi loddevahku ordnejeaddjin leat maiddái loddeberošteaddjiid guovllusearvvit.

Lávvardaga loddebottuide beassá searvat maid Soađegilis ja Roavvenjárggas

Soađegilis girkosiiddas dahkkojit loddevázzinmohkit lávvardaga diibmu 8 ja 12 gaskkas. Kelujärvi gilidállui fas čoahkkanit lávvardaga diibmu 10 buđaldit olgun ja geahčadit lottiid.

Roavvenjárggas loddeoahpisteamit ordnejuvvojit Niskanperä loddetoartnas diibmu 8 - 11 ja gávpogis Harjulampi loddetoartnas diibmu 11 - 13 sihke nu daddjon "Arktikum gáttis". Geahča lly.fi -siidduin.

Varrasamosat: Sápmi

Váldoođđasat

Bivnnuhamosat

Varrasamosat

Muualla Yle.fi:ssä