Säämi |

Miina Seurujärvi jienâroonnigin kieldâváldustiivrân - Sämikielâ- já škovlâääših alda vááimu

Sun lâi Aanaar kieldâvaaljâin iävtukkâssân vuossâmuu keerdi já finnij nubben enâmustáá jienâid, ohtsis 158 - Tienuuvt kirdelij älkkeest kieldâváldustiivrân. Sun táttu pyerediđ sämikielâ-, škovlâ- já puásuitipšoi aašijd.

Jietna: Miina Seurujärvi lii Aanaar kieldâváldustiivrâ uđđâ jeessân.
Jietna

Paijeel pele Aanaar kieldâváldustiivrâ uđđâ jesânijn láá tooimâst vuossâmuu keerdi. Miina Seurujärvi arvâl, et ohtân suijân sáttá leđe tot, ko mangâ puáris iävtukkâs jooskâi kieldâpolitiikast.

– Mutâ kal tot vaarâ maainâst tast-uv, ete jienâsteijeeh halideh uđđâ piegâid possoođ tohon kieldâváldustiivrân, nabda Seurujärvi.

Seurujärvi: Tääl kalga tuođâi porgâđ tom, maid lii lopedâm

Veikkâ Seurujärvi miänástui vaaljâin uáli pyereest, te sun ij lah vala váldám teedâid. Sun iibbeerd kuittâg, et jienâi valje puáhtá meid váástu.

– Ko álgá smiettâđ, mon ennuv mun finnejim tuođâi taid jienâid, te piäjá smiettâđ aašijd. Ete tääl kalga tuođâi porgâđ tom, maid lii lopedâm, muštâl Seurujärvi.

Seurujärvi mieđeet, et váldustiivrâsthân ij ohtuu pyevti porgâđ maiden. Sun tiäddut, mon tehálâš ovtâspargo já meid siärváduu uásálistem lii.

– Mun hokâttâllâm ulmuid porgâđ taid pargoid muin, ete sij tego iävtutteh aašijd já mij pyehtip oovtâst smiettâđ, ete maht mij finniiččijm eennâb sämikielâlijd palvâlusâid kieldân, maht finniiččijm eennâb máttáátteijei viirgijd škoovlân, maht finnip puásuituálu jienâ kulluđ Aanaar kieldâst pyerebeht.

Varrasamosat: Säämi

Váldoođđasat

Bivnnuhamosat

Varrasamosat

Muualla Yle.fi:ssä